trad
Old Blind Dogs: Old Blind Dogs – “The Birkin Tree”
https://www.youtube.com/watch?v=1awx0GwSiGw
Oh, lass, gin ye wad think it right Tae gang wi me this very night We’ll cuddle tae the mornin light By aw the lave unseen-o And ye will be my dearie My ain dearest dearie It’s ye will be my dearie Gin ye meet me at ane-o I canna for my mammy gae She locks the door and keeps the key And in the mornin charges me And aye aboot the men-o For she says thay’re aw deceivers Dec?ivers, deceiv?rs She says thay’re aw deceivers Ye canna trust ane-o Oh, niver mynd yer mammy’s yell Nae dout she met yer dad hersel And shoud she flyte, ye can her tell She’s aft times done the same-o So lassie, gie’s yer haund on’t Yer bonnie milk-white hand on’t Oh, lassie, gie’s yer haund on’t And scorn tae lie yer lane-o Oh, lad, my haun’ I canna gie But aiblins I maun steal the key And I’ll meet ye at yon birkin tree That growes doun in the glen-o But dinna lippen, laddie I canna promise, laddie Oh, dinna lippen, laddie In case I canna win-o So he’s gaen tae the birkin tree In hopes his ain true love tae see And fa come trippin ower the lea But juist his bonnie Jean-o And she’s clinkit doun beside him Beside him, beside him She’s clinkit doun beside him Amangst the grass sae green-o “I’m overjoyed wi rapture nou,” Quo he, and preed his cherry mou And Jeannie ne’er haed cause tae rue That nicht upon the green-o For she has got her Johnny Her ain lovin Johnny It’s she has got her Johnny And Johnny’s got his Jean-o